今日囡囡返黎同我講下個月會有芭蕾舞既表演,我聽到即時抱住個囡,勁開心丫~
因為我以前學唔到芭蕾舞,自己覺得係一個遺憾,難得囡囡鐘意學,我一向都好支持~
估唔到囡囡學得咁好,仲俾老師選去表演,真係開心到好似自己去表演咁呀!
不過,囡囡同我佢好驚,佢驚咁多人面前會跳得唔好...唔想去表演
其實囡囡由細細個已經比較怕羞,又驚陌生人,本來諗住佢學芭蕾之後會有幫助...
但係依家睇黎,應該無咩成效....
最後,囡囡都肯去表演,因為我話帶佢去迪士尼,哈哈哈
雖然係咁,但係長遠黎講都唔係一個好辦法
我諗應該要用過第2個方法先得啦~如果唔係再大啲會好蝕底架嘛
明明做得咁好,就係因為怕羞就輸哂....做人阿媽真係煩....