Maxim 流心芝士蛋糕

經過Maxim's Cake Lab,  見佢剛新鮮出爐流心芝士蛋糕，好香芝士味，忍唔住買番屋企比老公同呀女食。

回到家蛋糕仲熱，嘩！真係流心架！好味道！

超大超光的月亮

今年我地見到的月亮，是超級月亮，又大又光，好彩今年中秋節天氣好好，我地一家人在外婆家食團年飯，飯後一同賞月，雖然有點雲層，但仍然可見好大個超光猛的月亮在半空。

女女見到超大月亮都很高興，還用手機拍吓留念。雖然昨天是追月夜，但天空上的月亮無變，仍然是又大又光亮。

昨天更是相隔33年，月全蝕和超級月亮同時出現，可借香港正值早上，我地無緣觀賞，下次再出現是18年後。

A-1 Bakery 梳乎蛋金紗月餅

中秋節快到，買定盒月餅做節，近排女女中意咗隻gudetama, 話佢好得意，經過A-1 Bakery, 見佢有gudetama 月餅，買盒比女等佢開心吓。


哈哈！佢地用一gudetama布袋裝月餅，果袋啱晒女女用。這盒是奶黃月餅，一盒得四個小月餅，都賣得幾貴。同女女開咗一個試食，都幾香奶黃味，但太甜，如果無咁甜就好味啦。

曰本神户麵

行開曰本公司，見到有盒曰本神户牛肉麵，好小見到有得賣，曾經係曰本機塲見過，估唔到香港都見到, 一盒有四個，夠哂一家食，買番盒回家今晚煑，睇吓好唔好食先。

Aineo Music “Gospel Choir” 第一堂

今日同咗女女去上第一堂 Gospel Choir，間中心係大角咀，叫Aineo Music，點解會報Gospel Choir??　咁就先講吓咩係Gospel Music (福音音樂)….

黑人福音音樂史可追索至十八、九世紀，由無數非洲人被迫當黑奴的時代開始，在離鄉十萬八千里的另一國度，他們失去所有，血脈裡卻依然懷着對音樂的天賦和熱愛。他們學會以歐洲音樂為基礎的聖詩，隨着與生俱來的節奏感「再創作」，從心靈歌頌上主。福音音樂隨之而生，它深深影響了後來的如R&B、靈魂（Soul）、嘻哈（Hip-Hop）、爵士（Jazz）及搖滾（Rock）等。對音樂人和歌者來說，Gospel Music混雜了Jazz、Blues、Funk等曲風，演奏和合唱均甚具挑戰性，很多美國歌壇金嗓子如James Brown、Whitney Houston等在成名之前也是福音歌手出身。

另外，音樂中心同我地介紹個音樂老師，叫Michael，睇下資料，原來佢係波士頓音樂學校畢業，之後仲拎咗教會音樂碩士學位，之前同Nick Vujicic(力克)監製全新大碟 Dear Lord，呢個老師資歷相當唔錯～中心職員仲比咗之前佢地合唱團同華人樂隊「takh-oo'」錄製既相我地睇～

因為香港好少呢類既choir，而且仲係全英文，同老公商量後，覺得又可以比女女學唱歌，又學到英文溝通同與人合作，所以就決定讀啦～　

學費方面，$600/month，1個月4堂，除返開都係$125一堂，報名個陣話如果一次過報3個月，就 $400/ month，價錢都唔貴，搵其他合唱團時，見到有ｄ要成$300一堂。

今日係第一堂，今日有大約20個小朋友，女仔比較多喔!

課室空間唔算大但環境唔錯，分成4排坐～

女女開頭好似比較怕羞，但老師好識帶動氣氛，見到好快囡囡已經融入課堂，叻囡呀！

返到屋企，女女竟然話好想快d到下個星期6去唱歌～ｈａｈａｈａ

759 阿信屋五折!!

琴日老公話我知我部samsung電話張唔知咩卡, 今個星期6,日去759有5折.....

今朝一起身就約埋個fd一齊去掃貨....不過O岩買既野好多都無貨....

只係掃左少少野....不過都真係好抵呀!!

洗衣液同 Dettol 我係各買咗5支....hahaha

Melody Mask

之前見到好多卡通都有出mask, 今次終於到Melody 啦, 好可愛呀～

不過鋪頭話賣剩最後一pack, 嗚....一pack得2塊,唔捨得用呀～仲話未必再返貨....諗諗下, 用一塊留一塊啦咁.....hahaha

7仔好味雪糕

今日真係熱到溶，去到7仔見到有呢款日式雪糕，$26一個, haagen daz價錢, 但平時去餐廳食要成$4X，咁$26都唔算貴呀～hahaha

仲買左綠茶味，因為好好味，所以食呢個既時候食咗相，呢個都好味

連平時少食雪糕既老公都食咗好多啖，丸子夠彈牙，大大粒，分分鐘好食過餐廳個d

Philips Diamond 聲波震動牙刷

個日同朋友傾開計, 佢地都轉咗用電動牙刷～

但係我一向都覺得電動牙刷個刷頭係咁轉會成日刷到d牙肉, 點知d朋友話聲波震動牙刷只係得震,唔會轉動,仲話真係刷得好乾淨～

於是, 登登登登......今日支牙刷就返到黎屋企啦～

不過都真係幾貴，成千幾蚊, 一set有2支一大一細既牙刷頭, 另外再買多2支刷頭就百幾蚊....好心急想用，不過要先充電24小時，無得玩住～

呢個係旅行裝，底個度有個充電位, 不個心諗去旅行得個幾日, 用返普通牙刷算啦～

蕃茄包 (500g)

琴晚整咗個蕃茄包, 點知遲咗半個鐘起身, 就塌咗啦～

不過味道都ok, 第一次整蕃茄包,之前都無諗過可以咁樣整, 上網見到網友整, 一於試下～

食譜: 

高筋麵粉 200g

低筋麵粉 50g

番茄醬 80g

水 130ml

牛油 15g

鹽 1小匙

糖 1大匙

即溶酵母 1小匙

咁O岩屋企有parma ham, 一齊食簡直無得頂呀～

稻香晚飯, 好抵食

親戚介紹，所以就去咗稻香食飯，一係好平，親戚話之前係龍蝦伊面，不過我地去既時候已經轉咗promotion

今晚叫咗3個雞燉翅，瑞士醬油雞，雜菌浸菜苗，例牌燒鵝，椒鹽豆付，龍蝦伊面

埋單都係$500大元, 真係好抵食～如果係平日仲半價，今日星期日得6折

久違的張小嫻小說

近呢幾年都無咩時間睇書，尤其係我最愛既張小嫻，日日湊女女都周身唔得閒，已經無諗起睇書呢樣野～

今日行過書局想幫女女睇定d補充作業, 比我見到張小嫻既書, 結果就一口氣買咗4本返黎.....hahaha

好彩佢依家無依家出書出得咁密, 如果唔係應該要買好多本....今晚有排唔洗訓啦～

Hana Matcha 抺茶卷

行開公司，貝到有盒Hana Matcha 抹茶卷，綠茶一向話好有益，女女中意食蛋卷，買盒回家比女女食先。

抹茶卷內裏的抺茶cream, 甜中帯有微微苦味，外面蛋卷很鬆脆，配合微苦的綠茶cream, 非常好味！

雖然有微苦，但女女好中意食，由於是獨立包裝，女女要求帯回校當茶點。

太古城波波池

太古城溜冰塲改裝成為波波池呀，無數的波波，波波滑梯，唔好話小朋友見到開心，大人見到都好興奮。

只要購物滿三十五蚊就可以玩，一於带女女去玩開心吓。

嘩！超多人排隊，朋友call 話早上七点巳經暫停排隊，仲諗住晏D带女女去玩，睇怕都入唔到塲啦！

名古屋白桃糯米糍

老公今曰帶咗盒名古屋白桃糯米糍回家，女女見到好開心，盒白桃糯米糍好精美，原來係老公的同事係曰本回來，買給他做手信。

現在是桃的季節，所以佢朋友專登買桃味比我地試。白桃糯米糍好香桃味，內裹有蓮蓉，女女超中意食。

令人懷念的葡京曲奇

朋友去澳門, 托佢幫手買咗罐葡京曲奇,記得細細個阿媽好鐘意食,次次去親澳門都買幾盒,好多年無食過，叫朋友早d去,因為印象中好快就賣哂～

唔知係質素變咗定點，總係覺得無以前咁好食，又或者我記住既只係一種懷念既味道～

儂京川滬菜館

朋友係加拿大回港，約咗一班朋友出泥飯聚，朋友提出去儂京川滬菜館，話D野好食又好抵！我地七個人叫咗個良朋雅聚宴六人半席！

真係好多野食，水準還不錯呢！

江南五色拼盤
錦綉鲜蝦仁
辣皇香酥鸡
干貝賽螃蟹
砂鍋菜膽雲呑鸡燉魚翅
烤北京填鴨
松子桂花魚
什菌扒雙蔬
灌湯小籠包
北京炒拉面
高力豆沙球
鮮果拼盤

我地七人食六人餐都食唔哂，要打包取走！我最中意佢個砂鍋菜膽雲吞鳮燉魚翅，好足料，好好味！

薑母Q糖

姐姐剛去完上海旅行，買咗包薑母Q糖我食。大家都知薑幾有益，可以行血駆風，最啱女人食，而家天氣熱，食点辣可去濕，但我自己唔係好食得辣，所以好小食。

姐姐今次去上海，試過這款薑母糖，不太辣，所以專登買給我食。果然好香薑味，但唔係好辣，好食。

最愛朱古力蛋糕

有個朋友去德國，特登拜託佢幫我買呢個朱古力蛋糕，真係好好味嫁～每次有朋友去旅行，我都指定要呢個蛋糕～表面有層朱古力包住，入面係鬆軟既蛋糕，正呀～

真係唔捨得食，快d搵人再去旅行啦～哈哈哈

老公牌照燒雞扒帶子飯

琴晚老公話好耐無煮飯過我吃，話要親自落廚，整咗個照燒雞扒帶子飯，好味～

計計吓，上一次吃老公煮既話真係有成幾年啦～自從有咗囡囡之後，都係我負責一日三餐～囡囡都係第一次食爸爸煮既飯渣～

有時真係覺得自己好幸運，可以俾我遇到老公，真係好感激佢，從來無諗過可以有咁開心，咁幸福既生活嫁～