岩盤浴～我係「美魔女」

呢排好興講「美魔女」，老公都讚我差唔多成４０歲人，個樣ｋｅｅｐ得唔錯，但就肥咗ｄ，５呎４吋有１３０磅～最弊我又唔ｌｉｋｅ做運動，又鍾意食，又無做嘢～

有諗過去美容院減肥嫁，但唔想太花費～咁啱上２個星期同朋友聚會，有個ｆｒｉｅｎｄ話係沙田有間新開既Ａｍｉｇｏ　Ｓｐａ　＆　Ｂｅａｕｔｙ有得做「岩盤浴」，話可以幫助排汗，加速新陳代謝，同埋令ｄ皮膚更加靚～聽到岩盤浴，以為係浸浴嚟，點知錯晒，原來係瞓上一張天然火山石板，佢會發出遠紅外線同負離子，加速排汗同血液循環～

個ｆｒｉｅｎｄ話做８至１０次，就會ｆｅｅｌ到身體有明顯改善，每次瞓４０分鐘，一星期大約１至２次，見平平地就試吓啦～發現同焗桑拿好唔同，冇咁辛苦，室溫唔會過高～初做第１次排汗一般，但做第２第３次就排多咗好多汗，ｄ汗淡淡地，無臭味，每次做完個人仲好精神，好似輕咗咁～不過，最令我ｓｕｒｐｒｉｓｅ係，做咗幾次後，竟然減咗４、５磅，真係意想不到～老公見我咁好成績，叫我下次帶埋佢去試吓，ｒｅｌａｘ吓都好～

水舞間～ 值回票價

雖然水舞間已經開咗差唔多３年，但係我係未睇過～成日聽朋友講話去睇，但係我要睇住囡囡，真係無時間～而且Ａ區要成＄１１８０，Ｂ區都要＄７８０，真係好貴，連埋船飛，仲貴過係香港睇演唱會～

個日上網，無啦啦俾我見到新濠天地５週年，大大隻字寫話水舞間Ｂ區只售＄５５５，我即刻睇吓，嘩～真係好抵！



可能好多人都睇左，所以都唔係好ｆｕｌｌ，俾我ｂｏｏｋ到今日嘅飛～

今日一早同左老公去澳門，去左澳門塔，諗住行下，點知都無野好行，５８，５９樓個幾間ｃａｆｅ都要買觀光套票先準上，最後都係放棄左～

之後行左陣街就去左路環食安德魯葡撻，咁耐無食都仲ｋｅｅｐ到水準，真係好難得～買左半打，一陣風咁就俾我地食哂啦～

仲未夠鐘，先去新濠天地睇下有咩食，點知搞搞下已經差唔多６點，無得食ｔｅａ，唯有係ｗａｖｅ飲左杯野～上面個地方都幾正，有個泳池，仲有個沙區，下次可以帶埋囡囡去玩沙

終於到７點９，慢慢行去入場，個場比我想像中細，但係真係好精彩，佢個水深真係唔知有幾多，可以收埋咁多佈景係下面～

好彩無買到前排，真係會勁濕，啲表演者仲會行埋你度撥啲水落黎，真係想避都避唔到～

睇完之後有啲餓，去左ｈｙａｔｔ個ｌｏｕｎｇｅ度食啲野，都幾好食，唔錯～

搭１２點船返香港，已經好攰啦～體力透支，不過好耐無２人世界，好開心呀！