老表，你好hea !

近來佔中的事令到個人好不安，好彩無線剛播出台興劇 "老表，你好hea"

套劇其實係無乜劇情，但勝在得啖笑，王祖藍的金句.. "Well, 可能我鬼仔性格啦" 同 郭晉安的金句.. "你好唔 organic "，每次佢兩個講這金句都好好笑! 加埋張繼聰要成為一位成功的軟飯王，就制做出好多笑料。

在現時的社會氣氛中，有些好笑的劇集係可以舒緩大家的煩燥的心情。

Running man簽名會，去唔去好呢?

Running Man 又黎香港啦～今次係朗豪坊搞活動～

不過依家仲係佔旺，聽講旺角好多人，好想去呀～但係又驚危險....

今次宋智孝都黎呀～好想見下佢真人，但係老公知道實唔俾我出去啦～

佔中第一天

今晚同老公出左去佔中，金鐘個地鐵站封左，唯有去灣仔站出，去到駱克道已經有一班人，真係好平靜～

我地沿路行到金鐘，場面好震憾，好多人黎撐～無諗過香港真係會有一日咁多人上街爭取！6點幾個陣警方放催淚彈，睇到個刻真係好心痛，香港真係唔係太適合居住，我每次睇到大陸既新聞，諗起無言論自由既時侯，真係好想即刻移民～

七姐誕

農曆七月十四日是人人熟識的盂蘭節外，唔知大家知唔知七月七日又係乜野節日呢 ?

七姐誕呀 ! 每蓬七姐誕，媽媽都會準備好多水果食物留待晚上拜七姐。

記得有花生、龍眼、橙、蘋果、提子、香蕉、一碟七色花、紅繩、香粉、最重要的主角係大菜糕。我好中意食大菜糕架，媽媽整d大菜糕不太甜，軟硬適中，姐姐、哥哥都很喜歡食。

晚飯完後，媽媽就會把所有準備好的食物水果放係餐檯上，並把餐檯夠到露台，對著當天，燒點起香祝，希望七姐保佑d女嫁個好老公。

仲有媽媽會為我準備另一碟七色花沖涼時放入水，沖涼後用一點香粉抹身，跟住就一同賞七姐，大家一面傾談一面吃水果大菜糕。

今個星期六是七姐誕啦，到時帶埋女女返婆婆家一齊賞七姐，又可以食到婆婆整的大菜糕啦!